今日遊行感受最深嘅係：香港真係好有愛。
除了嗰位堅持出黎為大家發聲嘅太太、那群跟大家分享零食嘅公公婆婆，還有願意以自己專業協助其他人的律師及醫護團體。
令我印象最深刻的是一位左手拿膠扇、右手拿電動巴蕉扇幫旁人撥涼嘅年青人。當我向佢點頭道謝後，佢淨係講咗句「希望大家冇咁熱」之後，就急步向前走去為其他人撥涼，嗰陣我先見到佢成個背脊濕晒，後頸啲汗不停咁流出黎。嗰一刻，我覺得身為香港人雖然面對住一個咁不負責任嘅政府，但某程度上仍然係值得自豪嘅。
#香港加油
#香港人好忙
記今天遊行的兩件小事：
1. 去遊行，乘坐公共交通工具最穩陣。由家中步行往最近的港鐵站大概要15分鐘，是那種乘車太近、行路又稍遠的尷尬距離；我通常選擇步行，時間會比較好控制。
那段路幾乎全程下坡。沿斜路落山，走了大概一半路程，就於街角遇上一位太太；我和她的眼神相遇，再看彼此衣服顏色，就互相點了點頭，輕輕打了個招呼。
我們一前一後的繼續步行落斜。當走到一個屋苑門口前，太太突然轉個來跟我和阿太說：「你哋係咪都係去地鐵站㗎？我住呢度嘅，我帶你哋經屋苑出去吖，近啲㗎。」斜路兩旁都是住宅，當中不少有兩個出入口。
我跟阿太連忙道謝。那位太太笑說：「我老喇，唔太行到斜路。」
我們就沿途跟她一句沒一句的閒聊著。傾談間得悉她已經退休，孩子跟我差不多年紀；不愁生活，甚至可以選擇移民，但不想走。
坦白說，她其實很有條件不聞不問。
「我的確係可以置身事外嘅，」她堅定地說：「但做人，唔可以淨係顧住自己。你諗下而家啲後生仔面對緊咩情況？幾乎冇可能買到樓，就算租都好難負擔呀；向上流動嘅機會細、每日150人落嚟分佢哋啲資源......」
我問她只自己一個人參加遊行嗎？她笑道：「我一向都係同阿女一齊行嘅，不過佢今日要返工，我同佢講：『交畀阿媽啦，阿媽幫你頂埋佢！』」
列車到站了，我們和她走不同方向；說聲「街上見」後，就分頭離開了。
我回頭看著她那揹著背包、走得緩慢的背影，好想好想道個謝；這位太太，祝福妳永遠身壯力健，多福多壽。
2. 這次遊行，感覺人數比上幾次為少，但人群之中卻見到些以往少見的身影；走在我和阿太前面的，是一群銀髮族。
下午的天氣很熱，人海入面，呼吸都要比較用力，老友記們想必更加辛苦；公公婆婆們走得較慢，甚至有點蹣跚，但舉起標語來，高呼口號，不輸後生仔女。
人群之中，一名年輕人把標語單張對摺，然後使勁地為老人家，及四方的群眾搧涼 - 那個年輕人，本身都已經大汗疊細汗了。
差不多走到鵝頸橋時，其中一位老太太拿出一包話梅，與旁邊的人分享 - 認識的，不認識的；有人爽快接過，有人笑笑推卻。婆婆說：「食啲酸嘢舒服啲㗎。」
她把話梅往外傳，再細細叮囑年輕人：「記住，最緊要小心呀！」「以前我哋都冇諗過要出嚟，但睇到班後生嘅咁落力，而家我覺得唔出嚟唔得！」
我感到一陣鼻酸。
所以，請不要再說個個星期9行冇用。一步一腳印，你每次走出來，其實都在向還未發聲者的內心撒下種子，經各方灌溉，就會適時開出花朵；若想遍地開花，必先勤於播種。
我掛在嘴邊的一句話：你永不知道今天的付出會為未來帶來怎樣的收穫，總之，繼續努力就對了。
下周日，港島西遊行見。(同日還有將軍澳區遊行)
*****
即日起，fb同ig分途廣播：www.instagram.com/vinceng88
#遍地開花
#香港加油
#WeAreHongKong
Search